Ш.Батбаяр буюу “Дижитал” хамтлагийн ахлагч Бааварт Баянгол дүүргийн Цагдаагийн хэлтсээс Эрүүгийн хуулийн 153.1 дэхь хэсэгт зааснаар эрүүгийн хэрэг үүсгэн шалгаж эхэлсэн байна. Түүнийг ШШГЕГ-ын харьяа хорих 461 дүгээр ангид саатуулагдаж байхдаа санаатайгаар гал тавьсан хэрэгт сэжигтнээр татагдсан юм.  Ингэж шалгах болсон үндэслэл нь Ш.Батбаяр нь гал тавьсан болох нь баримтаар нотлогдсон бөгөөд өөрөө ч гал тавьснаа хүлээжээ. Хэрэв түүний гэм буруутай нь тогтоогдвол торгох эсхүл баривчлах ялаар шийтгүүлэх хуультай юм.

 Баавар болон түүний хамсаатнуудад холбогдох "Хар тамхи хэрэглэсэн, бусдад худалдахыг завдсан" хэргийн шүүх хурал өнгөрсөн тавдугаар сард болж Т.Алтай, Г.Адьяасүрэн нарт тус бүр долоон жил, Ш.Батбаярт гурван сарын хугацаанд баривчлах ял оноосон билээ.