Увс аймгийн Баруун туруун суманд байрлах хилийн цэргийн 0311 дүгээр ангийн байлдагч П.Хэнмэдэхийг өнгөрсөн сарын 9-ний өдөр тус ангийн дэслэгч Б.Баатар дарамталж зүү залгиулсан хэрэг гарсан. Тэгвэл өдгөө уг хэргийг Увс аймагт шалгахаар болж байгаа ба байлдагч П.Хэнмэдэхийг санаатайгаар зүү залгисан учир эрүүгийн хэрэг үүсгэсэн гэх мэдээлэл гараад байгаа. Тэгвэл энэхүү мэдээллийг хүүгийн аав эрс үгүйсгэлээ. Дашрамд хэлэхэд, хүүг нь дарамталж утсаар ярих хүмүүс их олон байгаа гэнэ. Хамгийн сүүлд л гэхэд нэг хүн залгаж "Чамайг даруухан номхон цэрэг юм байх гэж бодсон чин матдаг юм байна. Матахыг чин мэдсэн бол тэр өдөр гүйцээчих байсан юм. Өөр цэргийн ангид очоод чи хэзээ ч дээшээ гарахгүй. Байнгын дарамтанд байна" гэжээ. Одоогоор зүү залгисан цэргийг ХХЕГ-т хүсэлт гаргаснаар хотод байрладаг цэргийн ангид шилжүүлээд байгаа юм байна.