Өнгөрсөн хоногт цагдаагийн байгууллагад иргэд, аж ахуйн нэгж байгууллагаас гэмт хэрэг, зөрчлийн 1586 дуудлага, мэдээлэл ирснээс гэмт хэргийн шинжтэй 47 үйлдлийг бүртгэн холбогдох нэгжүүд шалгаж байна. Үүнээс 35 хэргийн эзэн холбогдогчийг илрүүлжээ. Тодруулбал, нийслэлд бусдын биед гэмтэл учруулсан хоёр, хулгайн 12, булаалтын нэг,  дээрмийн гурав,  танхайн нэг,  бусдын эд хөрөнгийг санаатайгаар устгаж, гэмтээсэн хоёр хэрэг гарсан байна. Мөн  зам тээврийн хэрэг 23, осол 14 гарч 30 хүн гэмтжээ.