Насанд хүрэгчдийн 2013 оны боксын ДАШТ-ий 64 кг-ийн жинд Монгол Улсыг төлөөлөн оролцох эрхийн төлөөх сорилго тулаанд МУ-ын Гавьяат тамирчин У.Мөнх-Эрдэнэ яллаа. Тулаан Эрдэнэт хотод болсон бөгөөд талбайн шүүгчээр ОУХМ, ахмад шүүгч н.Аюур ажилласан юм. У.Мөнх-Эрдэнийн хувьд ирэх 10 дугаар сарын 11-27-ны өдрүүдэд Казахстаны Алматы хотноо зохион байгуулагдах ДАШТ-д орохын тулд он гарснаас хойш бэлтгэл эхлээд байсан.
Гэсэн ч Монголын боксын холбоо Гавьяат тамирчин У.Мөнх-Эрдэнэ, З.Энхзориг /2013 оны УАШТ-д түрүүлсэн/ нарын дунд сорил явуулж хэн ялсныг нь тэмцээнд явуулах шийдвэрийг гаргасан билээ. Энэ шийдвэртэй холбоотойгоор зарим тамирчин, дасгалжуулагчдын дунд үл ойлголцох байдал үүсч, У.Мөнх-Эрдэнэ “Сорил хийх шаардлагагүй” гэсэн мэдэгдэл хийж байсан ч сорилго тулааныг хийсэн нь энэ юм.
А.Наран
Сэтгэгдэл (12)