Мэргэжлийн моделиудын шилдгийг тодруулах улмаар тэднийг улс эх орноо төлөөлөн олон улсын тэмцээн уралдаанд оролцуулах зорилготой  “Miss and Model” фестивалийн анхан шатны шалгаруулалт өнөөдөр “Андра модель”  агентлагийн байранд болно.

Энэ тэмцээнд 16-24 насны 170 см дээш өндөртэй мэргэжлийн моделиуд 4 үе шаттайгаар өрсөлдөх бөгөөд ерөнхий зохион байгуулагчаар “Андра модель  агентлаг”, “Мисс Монгол аялал жуулчлалын холбоо” ажиллаж байгаа аж.

Тус тэмцээний тэргүүн байранд орсон загвар өмсөгч “Miss Model of the World 2013”, дэд байрын эзэн “Top model of the World 2014”, харин гуравдугаар байр “Supermodel International 2013” тэмцээнүүдэд оролцох эрхээр шагнуулах юм.