УИХ-ын гишүүн Н.Номтойбаяр өнөөдөр хэвлэлийн бага хурал зарлаж, хүн хутгалж танхайрсан гэх хэргийн талаар дахин тайлбар өглөө.  Г.Нямдорж гэгчтэй маргалдаж, дундуур нь орсон хүнийг хэвлийн тус газар нь хутгалсан гэж цөөнгүй эх сурвалж мэдээлж байгаа бол цагдаагийн байгууллагаас түүнд эрүүгийн хэрэг үүсгэсэн. Тэгвэл Н.Номтойбаяр гишүүн  "Үнэндээ гадуур цацагдаад байгаа мэдээлэл худлаа гэдгийг хэлмээр байна. Энэ бол гүтгэлэг" гэлээ. Түүний хэлснээр өнөөдөр л түүнд  мэдүүлэг өг гэсэн албан ёсны хүсэлт цагдаагийн байгууллагаас иржээ.
   Н.Номтойбаяр гишүүн энэ асуудлаар УИХ-ын дэргэдэх Ёс зүйн байнгын хороонд хандаж, сайн дураараа шалгуулах хүсэлт гаргаад байгаа юм.