Монголын төдийгүй японы сүмо сонирхогчдын хайр, хүндэтгэлийг хүлээгээд байгаа М.Даваажаргал буюу ёкозүна Хакухо аав  дархан аварга Ж.Мөнхбатыгаа Япончуудад реклакдаад авчээ.

Тэрээр өнгөрсөн сард болсон Аки башёд түрүүлснийхээ дараа NHK-д өгсөн ярилцлагадаа 2020 оны олимпийн наадмыг зохион байгуулах эрхийг Токио хот авсанд баяртай байгаагаа илэрхийлээд аавыгаа 49 жилийн өмнө мөн л Токиогийн олимпид оролцож явсныг яриад амжижээ. Үргэлжүүлэн тэрээр аавынхаа тухай чөлөөт бөхөөр олимпын анхны мөнгөн хүртэж элэг нэгтнүүдээ баярлуулж байсныг ч ярьсан байна. Энэ нь Япон улс даяар аавыгаа сурталчилсан сайхан үйл явдал болсон юм.

Түүнчлэн Японы мэргэжлийн сумо бөхийн холбооны Ёкозүнаг сонгох хорооны уламжлалт хурал болж, өнгөрсөн Аки башёгийн дүн болон хоёр ёкозүнагийн барилдааны талаар үнэлэлт дүгнэлтээ илэрхийлэхэд тус холбооны тэргүүн Хитоши Учияма Хакухог “Тэр биширмээр хүч чадлыг харуулж чадлаа. Тэр бусдаасаа толгой илүү байна” гэж бахджээ.