Монголын хөгжмийн ертөнцийн томоохон төлөөлөгчдийн нэг хэмээн зүй ёсоор үнэлэгддэг гитарчин Өөжгий буюу Д.Өлзий-Орших амьд тоглолт хийнэ гэдгээ фейсбүүк хуудсаараа дамжуулан мэдэгдээд байгаа.  Тэгвэл түүний тоглолт ирэх сарын 1, 2 болох бөгөөд 100 хувьд амьд тоглолт байх гэнэ.

Энэ тоглолтонд хүрэлцэн ирсэн үзэгчид түүний гитарын гоцлолуудыг сонсохоос гадна “Хайрын бурхан”, “Чи минь”, “Дурлаж бичсэн шүлэг”, “Чамайг санахдаа”, “Хайртай гэхээсээ өмнө” зэрэг ард түмний хайр хүндэтгэлийг хүлээсэн олон дуу энд эгшиглэх аж. Түүнчлэн “Никитон”, “Гурван охин” хамтлаг “Харанга”-ын Лхагвасүрэн, BX зэрэг олон уран бүтээлчид өөрсдийн уран бүтээлийг толилуулах гэнэ.

Сонирхуулахад Өөжгий одоогийн байдлаар тоглолтынхоо нэрийг өгөөгүй байгаа бөгөөд энэ тал дээр тэр олон нийтийн цахим сүлжээгээрээ дамжуулан санал хурааж буй.