Улсын
Дуурь Бүжгийн Эрдмийн Театр нь 51 дэх улирлын тоглолтоо хөгжмийн
зохиолч Төрийн соёрхолт, УГЗ Б.Шаравын “Чингис хаан” дууриар өчигдөр нээлээ. Хоёр бүлэг, зургаан үзэгдэлт уг дуурь өнөөдөр ч мөн ДБЭТ-т эгшиглэх юм байна. “Чингис хаан” дуурийг 2003 онд анх тайзнаа тоглож байжээ. Харин энэ удаад шинэ залуу гоцлол дуучдыг оролцуулж, хувцас хэрэглэлийг бүрэн шинэчилэн тоглох гэж байгаагаараа онцлогтой юм байна.
УДБЭТ нь тус дуурийг Монголын сонгодог урлагийн үндэсний
брэнд болгох зорилготой ажиллаж байгаа бөгөөд цаашид улсын хэмжээний
баяр наадам, тусгаар тогтнолын өдрүүдээр тоглох юм байна.
Энэ
удаа МУГЖ Э.Амартүвшин, СТА А.Долгор, СТА Ш.Наранчимэг, гоцлол дуучин Даваадорж, Бямбажав, дуучин С.Бат-Эрдэнэ нар анх удаа “Чингис хаан”
дуурьт тоглох аж. Мөн УДБЭТ-ын гоцлол болон найрал дуучид, балетын
жүжигчид бүгд оролцох юм байна.
Т.Энхэлээ
