Төмөр замын тодотголтойгоор олны танил болж, “Цэргийн бодол”, “Аавдаа” дуугаар хит жагсаалтыг тэргүүлж байсан “Хурд” хамтлагийн 20 жилийн ой энэ онд тохиож буй. Тэд энэ ойн хүрээнд ирэх 11 дүгээр сарын 29, 30-нд UB паласын концертын их танхимд тоглолтоо хийхээр болсон байна.

Сонирхуулахад анх Төмөр замын вагон депогийн хэсэг залуус хамтлаг байгуулж, уран бүтээл хийж байгаад удалгүй таржээ. Тэдний нэг нь болох Д.Ганбаяр 1993 онд шинэ хамтлагаа бүрэлдүүлж, Монголын амьд хөгжмийн нэгэн том хамтлагийг бий болгосон түүхтэй.