Уулын баяжуулах "Эрдэнэт" үйлдвэрийг барьцаалж их хэмжээний зээл авсан үндэслэлээр шалгагдаж буй "Жаст" группийн захирал Ш.Батхүүд холбогдох хэрэгт  холбогдуулж төрийн болон хувь нийлүүлсэн байгууллагын хэд хэдэн хүнээс УМБГ-ын ажилтнууд тайлбар авсан тухай бид мэдээлсэн.  Тухайн үед Төрийн өмчийн хорооны даргаар ажиллаж байсан Д.Сугараас Улсын мөрдөн байцаах газрын Эдийн засгийн гэмт хэрэгтэй тэмцэх хэлтэсээс гэрчийн мэдүүлэг авсан байна.  Ингээд Д.Сугар "Хадгаламж" банкны хувьчлалын талаар тайлбар өгөхийн зэрэгцээ "Стандарт" банкнаас зээл авахад ямар нэгэн байдлаар оролцож, гарын үсэг зурж, тамга дараагүй гэдгээ тайлбарласан гэж албаны эх сурвалж мэдээллээ. Мөн тэрбээр өөрөө ч энэ талаар хэвлэлийнхэнд албан ёсны байр сууриа илэрхийлсэн байна. Д.Сугар "Би ямар нэгэн гэрээнд баталгаа гаргаж гарын үсэг зураагүй. Хоёр улсын хамтарсан компанийн өмч хөрөнгийн талаар том толгой гаргах эрх надад байхгүй" гэв".