ТӨХ-ны дарга Д.Цогтбаатарын машин гэнэт шатаж дуулиан дэгдээсэн. Түүний машин яагаад шатсаныг албаны хүмүүс шалгаж байна. Тэгвэл уржигдар машин нь шатсан ч Д.Цогтбаатар дарга ганцхан өдрийн дараа л улсын мөнгөөр шинэ машин худалдаж авчээ. Тэрбээр хамгийн сүүлийн үеийн загварын "Azera" маркийн машиныг 50 мянган доллараар авсан бөгөөд машиныхаа дугаарыг авахаар хөөцөлдөж байгаа аж.  Энэ машиныг өмнө нь Солонгосын элчин сайд унахаар тавиулсан байж. Харин түүний бага зэрэг шатсан хуучин машин нь Засгийн газрын авто баазад "хаягджээ". Уг нь Д.Цогтбаатар даргын машины хөдөлгүүр, бүхээгний хэсэг л шатсан. Тиймээс засаад унах боломжтой. Гэтэл ТӨХ-ны дарга маань ганцхан өдрийн дотор үнэтэй, шинэ машин авч төсвийн мөнгөөр тансаглажээ.