Кино урлагийн салбарын олон улсын хамтын ажиллагааг нэмэгдүүлэх, дэлхийн сор болсон киног Монголын үзэгчдэд хүргэх зорилготой "Улаанбаатар" олон улсын анхдугаар кино наадам өнөөдөр хаалтаа хийнэ. Ингэхдээ хаалтын кинонууд үзэгчдийн хүртээл болсны дараа олон орны зочид төлөөлөгчид хүндэтгэлийн зоог барих юм байна.

Тус наадмын хүрээнд Канн, Венец, Берлины кино наадмуудад амжилттай оролцож, шагнал хүртсэн кинонуудыг Тэнгис кино театрын дэлгэцээс үнэгүй үзэх боломжийг олгосон юм.  Өнөөдөр тус наадмын хаалт болгож АНУ-ын "Бүрэн сүйрэл", Испанийн "Алтан хорго" гэсэн хоёр кино Тэнгис кино театрын дэлгэцнээ гарна.

Далайн эргийн ажилгүй арчаагүй эрийн чимээгүй тайван амьдрал аймшигт мэдээнээс болж гэнэт өөрчлөгдөн сэргэж, хүүхэд байхдаа амьдарч байсан орон гэртээ очиж өшөө авах үйлийг хийхээр болно. Ухаан мэдрэлгүй алуурчнаас гэр бүлээ хамгаалах харгис тулаанд орохоос өөр арга түүнд үгүй.

Найруулагч Жереми Сольниер. 

2013 Каннын кино наадмаас Олон улсын кино шүүмжлэгчдийн холбооны шагнал хүртсэн.

2013 оны 10-р сарын 9, Лхагва гараг 17:55-19:45, 1-р танхимд

Сайхан амьдралыг мөрөөдсөн өсвөр насны Хуан, Сара, Самуэл гурав Гветамалаас Америкийг зорино. Мексикээр аялах замдаа тэд Чаук хэмээх Чиапасаас яваа Испаниар ярьдаггүй индиантай таардаг. Ачааны вагонд сууж, төмөр замаар алхах зэргээр аялж буй тэд удалгүй хатуу үнэнтэй нүүр тулна.

Тус киноны дараа найруулагч Диего Кемада-Диес хийх уулзалт болно.

А.Наран