Хуурамч мөнгөн дэвсгэртийн асуудалд ЦЕГ-ын даргын тушаалаар Нийслэлийн цагдаагийн газар, Мөрдөн байцаах газар, Эрүүгийн цагдаагийн газар, "Монгол банк"-ны холбогдох албаны улсуудтай нийлээд ажлын хэсэг байгуулаад ажиллаж байна. Ажиллагааны хүрээнд хуурамч мөнгө хийж байгаа, үйлдэл гаргасан этгээдүүдийг барьж илрүүлсээр байгаа аж. Тухайн мөнгөнүүдийг хаана байгааг хяналтанд авч цуглуулж байгаа юм байна. Ямартаа ч банкин дээр байгаа болоод иргэдийн гар дээр байгаа гүйлгээ хийх мөнгөнөөс хуурамч мөнгө байгаа эсэхийг шалгаж, зөрчил илэрвэл цуглуулж авч байгаа гэнэ. "Монгол банк", ЦЕГ-ын даргын хамтарсан тушаал, журам гаргасан. Тодруулбал, хуурамч мөнгөн тэмдэгтийг иргэд заавал цагдааийн байгууллагад мэдэгдэх үүрэгтэй. Хэрэв мэдэгдэхгүй нуун дарагдуулах, мэдсээр байж тухайн мөнгийг гүйлгээнд оруулсан бол эрүүгийн хэрэг үүсгэх журмыг хэдхэн сарын өмнө баталсан. Тэгэхээр иргэд хуурамч мөнгөн тэмдэгт авсан тохиолдолд заавал цагдаагийн байгууллагад мэдэгдэх үүрэгтэй. Хэрэв та биелүүлэхгүй бол эрүүгийн хариуцлага хүлээх юм.