Монголын урдаа барьдаг цөөн хэдэн гитарчдын нэг Д.Өлзий-Орших буюу Өөжгий ирэх сарын 1,2-нд өөрийн бие даасан тоглолтоо хийх гэж байна. Тэгвэл тоглолтын бэлтгэл ажилдаа хэдийнэ орсон ба өчигдрөөс тоглолтынхоо рекламны зураг авалтыг хийж эхэлсэн байгаа.  Тэрбээр рекламандаа гоё гэсэн дуунуудаасаа нэг нэг мөр оруулаад хийе гэж бодсон боловч ТВ реклам 30 секундад багтах ёстой байдаг учир долоон дууг л багтааж чаджээ. Тэгвэл рекламных нь зураг авалтын хамгийн сүүлийн зочин МУГЖ Т.Ариунаа байжээ. Т.Ариунаа "Чи минь", "Харуусал харамсал" дуугаа дуулах юм байна. Тэгвэл МУГЖ Б.Сарантуяа "Хайрын бурхан", "Хайрласан сэтгэл" уран бүтээлүүдээ, "Номин талст" хамтлаг "Дурлаж бичсэн шүлэг", "Чамайг санахдаа", "Намайг".. зэрэг дуунуудаа дуулна. Харин Батсүх, Амархүү хоёр "Би чамд итгэдэг" дуугаа бас дуулж сонирхуулах нь. Түүнчлэн Харанга хамтлагийн дуучин Х.Лхагвасүрэн "Хайртай гэхээсээ өмнө" болон Өөжгийгийн гитарыг нь тоглосон өөрийнхөө супер хитүүдээсээ дуулна. Ямартаа ч Өөжгийгийн тоглолтыг тэсэн ядан хүлээж буй  олон хүн байгаа юм.