БГД-ийн 4-р хорооны 77-р байрны   гадна 42 настай эрэгтэй Э-ийн автомашинаас ширэн түрийвчтэй  700.000  төгрөг, бусад бичиг баримтийг Оршин суух тодорхой хаяггүй 25 настай эрэгтэй нь  хулгайлсныг  жижүүрийн бүрэлдэхүүн  илрүүлж  БГД-ийн цагдаагийн хоёрдугаар хэлтэст   шалгаж байна. Мөн амралтын өдрөөр буутай иргэн иргэдийг айлган сүрдүүлсэн хэд хэдэн хэрэг гарсан бөгөөд хоёулаа   СХД-т гарсан юм. Тодруулбал, тус дүүргийн 7-р хорооны Автобусны буудал дээр иргэн Н-г зам тавьж өгсөнгүй гэх шалтгаанаар "Hyundai Galloper" автомашинтай 40 настай эрэгтэй  Б нь буу гаргаж танхайрсан хэрэгт  эд мөрийн баримтаар  "ОПСКС" маркийн галт зэвсгийг  хураан авч СХД-ийн цагдаагийн хоёрдугаар хэлтэс шалгаж байна.