Гурван настай охиныхоо толгойг заазуурдан тасалж амийг нь хороосон хэрцгий хэрэг Төв аймгийн Батсүмбэр суманд гарсан тухай хэвлэл мэдээллийн хэрэгслээр мэдээлсэн. Тэгвэл энэ хэргийн талаар ЦЕГ-ын хэвлэл мэдээллийн ажилтан, цагдаагийн ахмад Ё.Лхагвасүрэнгээс тодрууллаа.

-Гурван настай охиныг хөнөөсөн хэрэг гарсан нь үнэн үү?
-2013 оны 10 сарын 13 буюу өнгөрсөн ням гарагт Төв аймгийн Батсүмбэр суманд онц хэрцгий аргаар бусдын амь насыг хохироолоо гэсэн мэдээллийг цагдаагийн байгууллагад өгсөн. Мэдээллийн дагуу цагдаагийн байгууллага очиж шалгахад Сонгинохайрхан дүүргийн есдүгээр хороонд оршин суух 37 настай иргэн Ж гэгч нь гурван настай эмэгтэй М гэгчийн амь насыг онц хэрцгий аргаар хохироосон байсан.

-Хэргийг охины аав үйлдсэн гэдэг үнэн  үү?
-Тухайн хэргийг 37 настай эмэгтэй Ж гэгч үйлдсэн.

-Эрүүгийн ямар зүйл ангиар хэрэг үүсгээд шалгаж байгаа вэ?
-Энэ хэрэг дээр Монгол Улсын эрүүгийн хуулийн тусгай ангийн 91-ийн 2.12-т зааснаар эрүүгийн хэрэг үүсгэн шалгаж байна. Дэлгэрэнгүй мэдээллийг өгөх боломжгүй.