Чанарын шаардлага хангахгүй хуурамч архи зарж байна гэсэн иргэдийн мэдээллийн дагуу ШӨХТГ-аас Баянзүрх дүүрэг 27-р хороонд байрлалтай найман нэрийн “НЭМООЛ”  хүнсний дэлгүүрт гэнэтийн шалгалт хийжээ. Шалгалтаар “Мөнхжин-Од” ХХК нь “Жем интернэшнл”, “Спирт бал бурам” зэрэг архины шил савыг ашигласан, хуурамч акзиз нааж хямд үнээр борлуулж байсан нь тогтоогдсон тул 140 гаруй шил архийг битүүмжлэн компанид 5.0 сая төгрөгийн торгууль ногдуулж, ҮХААЯ-нд тусгай зөвшөөрлийг нь цуцлуулах санал хүргүүлж, ЭЦГ-т шилжүүлээд байгаа аж. Тус дэлгүүрт үйлдвэрлэсэн хугацаа нь тодорхойгүй, хадгалалтын хугацаа дууссан, хаяг шошгожилтын шаардлага хангаагүй хүнсний бүтээгдэхүүн, ихээхэн хэмжээний чихэр, набор, өтгөрүүлсэн сүү, какао зэргийг худалдаж байсныг илрүүлж битүүмжлэн 150.0 мянган төгрөгийн торгууль ногдуулжээ.

Энэ газар нь архиа маш хямдаар зардаг байсан ба 0.5 грамм архийг 2000 төгрөгөөр, 0.75 архийг 3000 төгрөгөөр зардаг байжээ. Түүнчлэн “Мөнхжин-Од” ХХК-ийн тусгай зөвшөөрлийг цуцлуулахаар ҮХАЯ-руу албан тоот явуулж, мөн цагдаагийн байгууллагад шалгуулахаар болжээ.