Хөгжмийн зохиолч УГЗ Л.Балхжавын “Миний дуунууд-2013” тоглолт ирэх сарын 07, 08, 09-ний өдрүүдэд “UB паласе”-ийн концертын их танхимд болохоор товоо зарлалаа.
1998 оноос эхлэн жил бүр уламжлал болгон зохиогдож ирсэн тус тоглолтонд монголын рок, попын  үе үеийн одод, шилдэг уран бүтээлчид оролцдогоороо онцлог. Энэ удаагийн “Миний дуунууд-2013” тоглолтонд Төрийн соёрхолт дуучин Д.Болд, МУГЖ Д.Жаргалсайхан, МУГЖ  Т.Ариунаа, МУГЖ Б.Сарантуяа, МУГЖ Б.Дашдондог, “Харанга хамтлаг”-ийн дуучин Х.Лхагвасүрэн, “Хурд”, "Камертон", "Номин талст", "Sweetymotion", "3 охин", “Мотив” зэрэг хамтлагууд, хөгжмийн зохиолч, төгөлдөр хуурч  Б.Чинбат, дуучин Б.Амархүү, дуучин С.Наран, Б.Баярцэцэг, Э.Агиймаа, Б.Маралжингоо, Ч.Цэлмүүн, Б.Жавхлантөгс, П.Өнөржаргал, МУГЖ Г.Ариунбаатар, МУГЖ Ө.Уянга, МУГЖ У.Уранчимэг, “Universe Best Songs 2009, 2010, 2011, 2012”  уралдааны шилдэг оролцогчид, ҮДБЭЧ, ХБК-ийн Симфони найрал хөгжмийн уран бүтээлчид бүрэн бүрэлдэхүүнээрээ оролцож ая дуугаа өргөх юм.