Азийн Канийн наадам гэгддэг Бусаны олон улсын кино наадмын тэргүүн
шагналыг “Алсын удирдлага” киногоороо хүртсэн найруулагч С.Бямба
тэргүүтэй уран бүтээлчид өнөөдөр сэтгүүлчдэд мэдээлэл хийлээ. Азидаа
хамгийн томд орох Бусаны олон улсын кино наадам нь энэ жил 18 дахь
жилдээ зохион байгуулагдаж байгаа бөгөөд энэ жилийн наадамд дэлхийн 80
гаруй орны 300 гаруй уран бүтээл оролцсон байна. Энэ наадамд манай
улсаас найруулагч С.Бямбын “Алсын удирдлага” мөн залуу найруулагч
Хоролдоржийн “Шарга даага”, богино хэмжээний киноны төрөлд
Л.Бат-амгалангийн “Хуучны сайхан өдрүүд” гэсэн гурван кино оролцжээ.
Үүнээс найруулагч С.Бямбын “Алсын удирдлага” уран сайхны кино хамгийн өрсөлдөөнтэй, нэр хүндтэй төрөл болох “Шинэ урсгал” шагналыг хүртсэн бөгөөд энэ наадмын түүхэнд монгол кино шагнал хүртсэн анхны тохиолдол энэ юм. Тус наадамд оролцсон судлаач шүүмжлэгчид монголын кинонууд тэсрэлт хийлээ хэмээж байснаас гадна алдарт Холливүүд рекордер сэтгүүлд энэ наадамд оролцсон монгол кинонуудын тухай тусгай нийтлэлүүд хүртэл гарчээ. Ингээд киноны ерөнхий найруулагч С.Бямбаас зарим зүйлийг тодрууллаа.
Үүнээс найруулагч С.Бямбын “Алсын удирдлага” уран сайхны кино хамгийн өрсөлдөөнтэй, нэр хүндтэй төрөл болох “Шинэ урсгал” шагналыг хүртсэн бөгөөд энэ наадмын түүхэнд монгол кино шагнал хүртсэн анхны тохиолдол энэ юм. Тус наадамд оролцсон судлаач шүүмжлэгчид монголын кинонууд тэсрэлт хийлээ хэмээж байснаас гадна алдарт Холливүүд рекордер сэтгүүлд энэ наадамд оролцсон монгол кинонуудын тухай тусгай нийтлэлүүд хүртэл гарчээ. Ингээд киноны ерөнхий найруулагч С.Бямбаас зарим зүйлийг тодрууллаа.
-Юуны өмнө энэ том кино наадмаас шагнал хүртсэнд тань баяр хүргье.
-Баярлалаа. Кино үргэлж олон хүний хөдөлмөр шингэж бүтдэг болохоор энэ кинонд хамтарсан бүх хүмүүст баяр хүргье. Энэ кино шагнал авсан нь тэр хүмүүсийн хүч хөдөлмөрөөс гадна ямар нэгэн байдлаар монгол кино дэлхийн тавцанд гарч ирээсэй гэсэн монголын киночдын хүсэл мөрөөдөлтэй салшгүй холбоотой.
-“Шинэ урсгал” хэмээх төрөлд шагнал хүртсэн байгаа. Энд ямар кинонууд өрсөлддөг вэ?
-Миний оролцсон “Шинэ урсгал” гэдэг хэсэг бол залуу найруулагчид анхныхаа юм уу, хоёр дахь киногоороо оролцдог хэсэг. Азийн 11 кинотой өрсөлдсөн байгаа. Хэдийгээр залуу уран бүтээлчдийн кино өрсөлддөг хэсэг ч гэлээ энэ хэсэгт ихээхэн ач холбогдол өгдөг. Учир нь ирээдүйн киноны чиг хандлагыг энэ хэсгээс харж болдог гэж үздэг юм билээ.
-"Алсын удирдлага" кино хэзээ монгол үзэгчдийн хүртээл болох вэ?
-Бид Бусаны кино наадмаас нэг сарын өмнө киногоо хийж дуусгасан. Ингэхдээ анхны ганц хувийг л хийж амьжсан. АНУ-ын Нью-Йорк хотод хийсэн болохоор тэндээсээ шууд Бусан руу явуулсан. Одоо тэр нэг хувь маань наашаа монголд хараахан ирж амьжаагүй байна. Энэ бүхний хажуугаар кино театруудад монгол кинонууд нээлтээ хийх гээд оочер дугаар ихтэй байгаа байх. Тиймээс тэдний хажуугаар бид чихцэлдээд баймааргүй байна. Цаашид энэ киног ганц нэг кино наадмууд руу явуулж үзэх бодолтой байгаа. Тиймээс он гараад эхний улиралд л монголын үзэгчдийн хүртээл болох болов уу.
Ярилцсанд баярлалаа.
-Баярлалаа. Кино үргэлж олон хүний хөдөлмөр шингэж бүтдэг болохоор энэ кинонд хамтарсан бүх хүмүүст баяр хүргье. Энэ кино шагнал авсан нь тэр хүмүүсийн хүч хөдөлмөрөөс гадна ямар нэгэн байдлаар монгол кино дэлхийн тавцанд гарч ирээсэй гэсэн монголын киночдын хүсэл мөрөөдөлтэй салшгүй холбоотой.
-“Шинэ урсгал” хэмээх төрөлд шагнал хүртсэн байгаа. Энд ямар кинонууд өрсөлддөг вэ?
-Миний оролцсон “Шинэ урсгал” гэдэг хэсэг бол залуу найруулагчид анхныхаа юм уу, хоёр дахь киногоороо оролцдог хэсэг. Азийн 11 кинотой өрсөлдсөн байгаа. Хэдийгээр залуу уран бүтээлчдийн кино өрсөлддөг хэсэг ч гэлээ энэ хэсэгт ихээхэн ач холбогдол өгдөг. Учир нь ирээдүйн киноны чиг хандлагыг энэ хэсгээс харж болдог гэж үздэг юм билээ.
-"Алсын удирдлага" кино хэзээ монгол үзэгчдийн хүртээл болох вэ?
-Бид Бусаны кино наадмаас нэг сарын өмнө киногоо хийж дуусгасан. Ингэхдээ анхны ганц хувийг л хийж амьжсан. АНУ-ын Нью-Йорк хотод хийсэн болохоор тэндээсээ шууд Бусан руу явуулсан. Одоо тэр нэг хувь маань наашаа монголд хараахан ирж амьжаагүй байна. Энэ бүхний хажуугаар кино театруудад монгол кинонууд нээлтээ хийх гээд оочер дугаар ихтэй байгаа байх. Тиймээс тэдний хажуугаар бид чихцэлдээд баймааргүй байна. Цаашид энэ киног ганц нэг кино наадмууд руу явуулж үзэх бодолтой байгаа. Тиймээс он гараад эхний улиралд л монголын үзэгчдийн хүртээл болох болов уу.
Ярилцсанд баярлалаа.
А.Наран
