Улаанбаатар хотноо энэ сарын 25-ны өдөр ихрүүдийн парад болох гэж байна. Дан ихрүүдийн оролцох парадыг Монголын ихрүүдийн холбоо болон "Зүүдэнд ч оромгүй явдал" киноны уран бүтээлчид хамтран зохион байгуулахаар болжээ. Учир нь, энэ өдөр ихэр залуусын тухай өгүүлэх "Зүүдэнд ч оромгүй явдал" киноны нээлт болох юм байна. Монголын ихрүүдийн холбооны тэргүүн Ч.Үржинбадам энэхүү уран бүтээлийг  ихэд үнэлж сайшаасан бөгөөд киноны нээлтийн үеэр ийн парад зохион байгуулахаар болсон юм байна.