УИХ-ын гишүүн Ё.Отгонбаярыг шалгаж байгаа газар олдохгүй байна. Мөн Ё.Отгонбаяр өөрөө би буруугүй. Намайг шалгаагүй гэх мэтээр яриад байгаа. Энэ асуудлын хүрээн Х.Тэмүүжин сайд зарим тайлбарыг өглөө.

-УИХ-ын гишүүн Ё.Отгонбаяртой холбоотой маш олон асуудал яригдаж байгаа. Энэ дээр хуулийн байгууллагаас тодорхой мэдээлэл өгөхгүй харин Ё.Отгонбаяр өөрийгөө гэм  буруугүй мэт яриад байгаа. Энэ хэргийн явцын талаар мэдээлэл өгөөч?
-Хэрэгт холбогдсон хүн хэзээ ч өөрийгөө гэм буруутай гэж хэлэхгүй. Тэр дундаа бүр Үндсэн хуулиар өөрийгөө гэм буруугүй гэж хэлэх эрхтэй хүн. Тиймээс Ё.Отгонбаяр тэгж хэлээд байна гэсэн байдлаар энэ хэрэгт хандаж болохгүй.  Хэн ч гэмт хэрэгт холбогдсон би буруугүй л гэнэ. Тэр бүү хэл хажууд байгаа эхнэр, үр хүүхэд нь аав ээжийнхээ эсрэг мэдүүлэг өгөхийг хуулиар хорьсон. Ийм л нийгэмд амьдарч байна. Хуулийн байгууллагын зүгээс шалгалтын ажиллагааг үргэлжүүлж байгаа.

-Сүүлийн үед Батаартай холбоотой хэрэгт бас холбогдсон гэх мэдээлэл гарсан. Энэ үнэн үү?
Би тэрийг сайн мэдэхгүй байна. Тэр бол архелоги олборлолт хийдэг хувь хүмүүстээ л холбоотой хэрэг. Харин тэнд Гаалийн байгууллага оролцсон байж магадгүй. Үүнд шалгалтууд явагдаж байгаа. Мөрдөн байцаах газрын дарга Батсүхийн хэлснээр “Авлига нэхсэн хэргүүд шалгагдаж байгаа”. Ё.Отгонбаярын эхнэрийн данстай холбоотой хэрэг шалгагдаж байгаа. Гэхдээ данстай холбоотой асуудал дээр давхар бичилтүүд байгаа гэдгийг үгүйсгэхгүй. Хүнийг анх хэлсэн үгээр нь далимдуулж гүтгээд байж болохгүй. Тиймээс хэргийг шалгалтын явцад зарим асуудлыг нь шалгаж байгаа хүний талд ч шийдэж болно. Гэхдээ Ё.Отгонбаяртай болон эхнэртэй нь холбоотой хэргүүд шалгагдаж байгаа.