Дэлхийн 70 гаруй орноор аялаад ирсэн Монгол бадарчин Амай өөрийн шинэ номоо гаргах гэж байна. Түүний шинэ ном  “Миний нэг өдөр” гэсэн нэртэй бөгөөд ирэх сарын 4-нд уншигчдын гар дээр очих аж.

Түүний энэ бүтээл нь 21-р зууны эхэн үед хүн төрөлхтөн хэрхэн амьдарч байсан, мөн дэлхийн улс орнуудын түүх, урлаг соёл, ёс заншил, хөгжил байшин барилга ямар байсныг фото зургаар харуулан тайлбарлаж бичсэн байна. Мөн тэрбээр өмнө худалдаанд гаргасан “Гайхамшигт ертөнц”, “Амьдрал сайхан шүү”, “Сайн сууцгааж байна уу” номуудаа дахин хэвлүүлжээ. Учир нь энэ номууд нь эрэлт ихтэй байгаа тул маш хурдан борлогдож байгаа гэнэ.