Нийслэлийн Боловсролын газрын орлогч дарга Х.Батбаяр Технологийн хэлтсийнхээ мэргэжилтэн Г.Амарсанааг  зодсон тухай эх сурвалж мэдээллээ.  Технологийн хэлтсийн мэргэжилтэн Г.Амарсанаа нь одоогоор Тайланд улсад  эмчлүүлж байгаа аж. Хэргийг сийрүүлбэл, энэ сарын 5-нд болсон дэлхийн багш нарын өдрөөр 1000 багш явган аялалд явсан. Энэ үеэр нийслэлийн Боловсролын газрынхан Цэцээ гүний ойролцоох амралтын газар архи ууцгаасан байна. Г.Амарсанаа ядарсан тул өөр гэрт амарч байгаад дарга нарын байрласан газар ортол нийслэлийн Боловсролын газрын орлогч дарга Х.Батбаяр агсамнаж, “Чи намайг дарга гэж дуудалгүй архи хундагалж өг гэлээ”гэж уурласан байна. Улмаар Г.Амарсанаа руу 0,75 летрийн архины шил шидсэн нь толгойных нь гавлын ясыг хагалж, хүндээр гэмтээсэн аж.