“Алтан Дорнод –Монгол” компанийн захирал асан В.С.Паушок саяхан ETV телевийн “Ярилцах цаг” нэвтрүүлэгт онлайнаар оролцож зарим нэр бүхий хүмүүсийн талаар мэдээлэл хийж, олны дунд дуулиан тарьсан билээ. Уг мэдэгдэлд манай нөлөө бүхий зарим эрхмүүдийн авлигатай холбогдсон талаарх ноцтой мэдээлэл байсан.

Тэгвэл  уг мэдээллүүдийг АТГ анхааралдаа авчээ. Баттай эх сурвалжийн хэлж буйгаар “В.С.Паушок ярилцлагадаа ноцтой баримт дурдсан. Түүний  хэлсэн үг бүхэн туйлын үнэн биш ч шалгаж, нягтлахаар хэд хэдэн зүйл байна. Албан ёсоор эрүүгийн хэрэг үүсгээгүй ч В.С.Паушокийн ярилцлага, нэр бүхий албан тушаалтны хийсэн мэдэгдлийг нарийн шалгах шаардлагатай учир шалгаж эхэлсэн” гэлээ. Зарим хүмүүсийн хэлж буйгаар В.С.Паушок Монгол банкны ерөнхийлөгч асан О.Чулуунбаттай хуйвалдан, их хэмжээний алт хадгалсан байж ч болзошгүй аж.