Францын нэрт хөгжмийн зохиолч А.Аданы “Жизель” хайр дурлалын эмгэнэлт балетыг өнөөдөр УДЭТ-ын тайзнаа тоглогдоно. "Жизель"-ийг анх 1841 оны зургадугаар сарын 28-нд Жин Коралли, Юлис Перрот нарын дэглэлтээр Францын Парис хотноо “Гранд Опера” театрын тайзнаа амилуулж байв. Харин 1884 оноос эхлэн балет мейстер Мариус Петипагийн дэглэлтээр тавьсан байдаг. Манай улсад анх 1979 оны арванхоёрдугаар сарын 22-нд тоглож байжээ.
Өнөөдөр тоглох “Жизель” балетын симфони найрал хөгжмийг Урлагийн гавъяат зүтгэлтэн Ж.Бүрэнбэх удирдах бол туслах найруулагчаар МУГЖ, Х.Гэрэлчимэг ажиллах юм байна.
Дүрүүдийн хувьд Жизельд СТА Ч.Ганчимэг, Альберт гүнд СТА О.Ганцоож, ойн захирагч Гансын дүрд СТА А.Өлзий-Орших, Батильдад СТА Р.Байгальмаа, Вильфридэд Ц.Төмөрсүх, Миртад Б.Саруул нар тус тус тоглоно.
