Испанийн алдарт зохиолч Мигель Сервантесын “Дон Кихот” жүжгийг Драмын эрдмийн театрын уран бүтээлчид ирэх арваннэгдүгээр сарын 8-нд тоглохоор товоо зарлаад байгаа. Тэгвэл тус жүжгийн уран бүтээлчид өнөөдөр шинэ бүтээлийнхээ талаар мэдээлэл хийхээр болсон байна. Хэвлэлийн бага хурал  УДЭТ-т 14.00 цагаас болно.

Хэрэн хэсүүчлэгч, хүлэг баатар Дон Кихот, түүний зарц Санчо Панса нарын тухай өгүүлэх тус жүжгийн найруулагчаар Урлагийн Гавъяат зүтгэлтэн  Б.Баатар ажиллаж байгаа бол Кихот ноёнд Гавьяат жүжигчин Б.Жаргалсайхан, Санчод жүжигчин Г.Амгаланбаатар нар тоглох болсон юм.

Б.Баатар найруулагчийн хувьд олон жилийн туршид энэ бүтээлийг найруулан тавихыг мөрөөдөж явсан бөгөөд түүний мөрөөдөл биелэлээ олж засгийн газрын дэмжлэгтэйгээр тус жүжиг тайзнаа амилах гэнэ.

Сонирхуулж хэлэхэд “Дон Кихот” зохиол дэлхийн хэмжээнд хэвлэгдсэн тоогоороо Библийн дараа ордог суут бүтээл бөгөөд манайд 1970 онд эрдэмтэн судлаач “Хар малгай” Т.Жамбал орчуулж гаргасан байдаг.