УДЭТ-ын жүжигчин С.Болд-Эрдэнийн найруулсан “Хөлтрөг” сэтгэлзүйн драмын төрлийн уран сайхны кино өнөөдөр Тэнгис, Өргөө кинотеатрт хийх гэж байна.

"SB picture", "Lodic film"-ийн хамтарсан уг киноны найруулагчаар СТА С.Болд-Эрдэнэ, зохиолч С.Болормаа, ерөнхий зураглаачаар Э.Нэргүй, хөгжмийн зохиолчоор Б.Эрдэнэбат, Т.Түмэнхүү, зургийн даргаар СТА Н.Батбилэг нар ажиллажээ. Киноны уран бүтээлчид эх үрийн хайр, хүүхэд гэдэг бурхнаас өгсөн бэлгийг хайрлах нь эрхэм чухал зүйл гэдгийг үзэгчдэд бүтээлээрээ дамжуулан харуулахыг зорьсон аж. Мөн урд өмнө хийсэн үйлийн үр хүний амьдрал хэрхэн гарч ирж, зовлонгийн үүдийг нээдгийг кино Замилан гэх эмэгтэйн дүрээр харуулах юм байна.
Киноны гол дүр Даваагийн дүрд СТА Н.Ялалт, Замилангийн дүрд жүжигчин О.Долгор болон Төрийн соёрхолт, МУГЖ Ц.Төмөрбаатар, МУГЖ Ж.Оюундарь, МУСТА С.Болормаа, жүжигчин Р.Баттогтох, О.Мөнхсоёл, Н.Ирмүүн, Б.Бат-Эрдэнэ нар тогложээ.