Хөлбөмбөгийн үндэсний шигшээ багийн тоглогч А.Мөрөн гэх залуу анх удаа эх орноо төлөөлөн гадны лигт тоглохоор болжээ. Энэ нь манай хөлбөмбөгийн салбарт гарч буй том дэвшил юм гэж мэргэжилтнүүд хэлж байна. АНУ-д суралцдаг түүний хувьд хөлбөмбөгөөр хичээллээд багагүй хугацааг үджээ. Тэрбээр Тайландын үндэсний лигийн “Рангсит ФС” клубт тоглох юм байна. Түүнийг энэ багт тоглох боломжийг Японы бизнесмэн Такаши Моримото нээж өгсөн байна. Дөрвөн жилийн түүхтэй энэхүү клубын дасгалжуулагчаар япон мэргэжилтэн ажилладаг гэнэ. Тэрбээр бүтэн жилийн турш манай тамирчны бичлэгийг дэлхийн хөлбөмбөгийн клубууд руу илгээсэн гэнэ.

А.Мөрөнгийн хувьд нөгөөдөр Тайландыг зорих юм байна. Тэндээ очоод 21 хоногийн турш шалгалт өгөх аж.