Өвлийн улиралд бүсгүйчүүд гэлтгүй залуучууд ч ноолууран хувцас их өмсдөг. Харин ноолууран хувцсыг хэрхэн арчлахаа сайн мэддэггүй гэхэд хэлсдэхгүй. Тэгвэл ноолууран хувцас  хэрэглэдэг бүхий л хүмүүстээ зарим нэг хэрэгтэй мэдээллийг өгье.

Ноолуур нь байгалийн гаралтай дэлхий дээрх хамгийн нарийн, тансаг ширхэгтүүдийн нэг билээ. Ноолуураар хийгдсэн хувцас нарийн арчилгаа шаарддаг хэдий ч урт удаан хугацаагаар элэгддэггүй. Сайн арчилагдсан ноолуур угаах бүрт улам зөөлхөн улам тансаг болдог.

Ноолуурыг биений үнэр дарагч хэрэглэснийхээ дараа хатаж дуустал нь түр хүлээж байж өмсөх чухал. Үнэр дарагч хатасны дараа ноолууран хувцсаа өмсвөл үнэр дарагч хувцсанд тогтохгүй байх жишээтэй.
Ноолууран хувцас руу сүрчиг цацахгүй байх хэрэгтэй. Сүрчиг нь хувцсыг толботуулж цагаан эрвээхэйг өөртөө татдаг.
Ноолууран хувцсаа үнэт эдлэл, гоёл чимэглэлийн зүйлс гэх мэт хурц үзүүртэй зүйлсээс хол байлгах хэрэгтэй. Эдгээр нь ноолуурыг бөөсрүүлдэг бөгөөд мөн гэмтээх аюултай.

Цэвэрлэх: Ноолууран бүтээгдэхүүнийг хэрхэн цэвэрлэх нь сүлжмэл болон нэхмэл материалаас хамааран бага зэрэг өөр байдаг. Хэрэв та ноолууран бүтээгдэхүүнээ толбо болгосон бол даруйхан хүйтэн усаар зайлах хэрэгтэй. Толбо арилгагчаар цэвэрлэж болох ч мэргэжлийн хуурай хими цэвэрлэгээнд өгөхийг танд зөвлөж байна. Харин ийм төрлийн хувцсыг хадгалахдаа өмнө нь үгэлж цэвэрлэж байх хэрэгтэй. Учир нь цагаан эрвээхэй гэх мэт шавьж бохир заваан байгалийн ширхэгт рүү татагддаг байна. Ингээд цэвэрлэсэн хувцсаа цаасаар ороож тавьбал бага үрчийх болно. Битүү гялгар уутанд хийх хэрэггүй. Харин агаар орж болох сав, уутанд хийж хадгалах нь зөв юм. Мөн ноолууран хувцсаа өлгүүрт унжуулан өлгөж болохгүй. Харин ноолууран бүтээгдэхүүнийг индүүдэхдээ аль болох бага температураар, дотор талаас нь индүүдэх хэрэгтэй.