МУСТА, жүжигчин Г.Ундармаагийн санаачлан хэрэгжүүлж буй "Итгэлийн Танхим ” төслийн хүрээнд засч тохижуулсан УНТЭ-ийн Яаралтай түргэн тусламжийн төв өнгөрөгч бямба гарагт нээлтээ хийжээ. 

Морин хуурын аялгуугаар эхэлсэн тус төвийн нээлтэд ЭМ-ийн дэд сайд Ж.Амарсанаа, УИХ-ын гишүүн Л.Эрдэнэчимэг болон Г.Ундармаагийн гэр бүл, ажлын хамт олон, найз нөхөд, уг төсөл дээр хамтран ажилласан байгууллага болон хувь хүмүүс хүрэлцэн ирж баяр хүргэсэн юм.

Энэ үеэр тус тасгийн эмч С.Алтансүх “Эмнэлгүүдэд өвчтөнг хүлээн авдаг хүлээн авах тасаг дэлхийн жишигт нийцсэн тусламжийг хүргэж чадсан боловч үйлчлүүлэгчдийн тав тухыг хангах тал дээр орчинг нь бүрдүүлж чадахгүй байсан. Харин Итгэлийн танхим гээд сайн үйлсийн аянг жүжигчин Ундармаа санаачилж үйлчлүүлэгчдийн ар гэрийнхэнд таатай орчинг бүрдүүлж өглөө. Бусад оронд байдаг сайхан орчинг бүрдүүлж өгсөнд бид баяртай байна” гэжээ.

“Итгэлийн танхим”  төсөлд  тус эмнэлгийн 220 ам метр талбай бүхий танхимуудыг нийт 88,9 сая төгрөгөөр шинэчилж, тохижуулжээ.