Дөрөв дэх жилдээ зохион байгуулагдаж буй Польшийн кино өдөрлөг өнөөдөр СУИС-ийн Радио телевизийн сургуульд нээлтээ хийнэ. Өдөрлөгийн нээлтэд ССАЖ-ын сайд Г.Оюунгэрэл, БХЯ-ны ГХАГ-ын дарга, хурандаа Д.Ариунболд, СУИС-ийн захирал Э.Сонинтогос, БНПУ-аас Монгол улсад суугаа онц бөгөөд бүрэн эрхт элчин сайд ноён Тадеуш Хомицки, БНПУ-ын Батлан хамгаалах яамны бодлогын асуудал эрхэлсэн Төрийн нарийн бичгийн дарга ноён Роберт Купецки, болон тус улсын БХЯ-ны гадаад хамтын ажиллагааны орлогч дарга, хурандаа ноён Лех Драб зэрэг албаны төлөөлөгч оролцох юм байна.

Энэ сарын 14-нийг хүртэл үргэлжлэх тус өдөрлөгийн хүрээнд  2011-2012 оны хооронд бүтээгдсэн зургаан бүтээлийг үзүүлэх юм.  Тухайлбал “Түнэр харанхуйд” , “Тээрэм ба загалмай”, “Дуудлагын охид”, “Сарнай”, “Сохор номин”, “Зууны луйвар-80 саяын хэрэг” гэх зэрэг түүхэн болон болсон явдлаас сэдэвлэсэн шилдэг бүтээлүүд багтжээ.