Онцгой байдлын газарт "Их тэнгэрийн ам"-нд ирвэс орж ирсэн тухай дуудлагын дагуу Нийслэлийн аврах ангийн шуурхай салбар, Төрийн тусгай хамгаалалтын алба хаагч нар ажиллаж байгаа тухай бид цаг тухайд нь мэдээлсэн. Тэгвэл "Их тэнгэрийн ам"-нд үзэгдсэн амьтан нь ирвэс биш шилүүс бөгөөд аврах ангийнхан дөнгөж саяхан барьсан байна. Энэхүү амьтаныг барихаас өмнө тэнд Төрийн гурван өндөрлөгүүдийн гэр бүлийг гарахыг хориглож, хамгаалалтанд аваад байсан юм. Ямартаа ч шилүүсний талаар албаны эх сурвалжаас тодруулахад "Өнөөдөр 15.00 цагийн орчимд НОБГ-т "Их тэнгэрийн ам"-нд  ирвэс  орсон тухай дуудлага ирсэн. Дуудлагын дагуу очиж ажиллахад  тэр нь ирвэс биш шилүүс байсныг барьж төрийн тусгай хамгаалалтынханд хүлээлгэн өгч ажиллалаа. Шилүүснээс болж хэн нэгэн бэртээгүй" гэв.