Соёл, спорт аялал жуулчлалын яамны сайд хатагтай Ц.Оюунгэрэл яамныхаа нийт албан хаагчдын дунд “Монгол бичигтэн”  болгох аяныг эхлүүлээд байгаа.

Тус яамны албан хаагчид ирэх оны нэгдүгээр сарын 15-ны өдөр Монгол бичгийн түвшин тогтоох шалгалт өгөх аж.  Тэгээд цааш тус тусын түвшингээр баг болж хичээллэх аж.

Ингэснээр тэд тавдугаар сард зохион байгуулагддаг “Бичиг үсгийн баяр” болон  есдүгээр сарын 1-ний хичээлийн шинэ жилийг “100 хувь Монгол бичигтэн” болсон амжилтаар угтах гэнэ. 100 хувь монгол бичгээр уншиж, бичиж чаддаг албан хаагчтай яам болж, Төрийн албан хаагчдаа манлайлах зорилт тавьсан байна.  

Уг ажлын эхлэл болгож яамныхаа гадна талын хаягийг крилл болон уйгаржин монгол бичгээр давхар хаягласан бөгөөд цаашид газар хэлтсийн дарга, мэргэжилтэн нарынхаа гадна хаалганы хаягыг крилл болон уйгаржин монгол бичгээр хаяглах юм.