Угаалгын өрөө бидний цэвэр цэмцгэр байдлыг бүрэн хариуцдаг хамгийн ачтай өрөө. Тэгсэн хэрнээ бид түүнийг чимэглэх, гоёх тал дээр сэтгэл гаргадаггүй шүү дээ.Тэгвэл угаалгын өрөөгөө энгийн аргаар чимэглэж болох хэд хэдэн санааг хүргэж байна.
-Будсан, гоёмсог банн-Үргэлж л цагаанаараа байдаг уйтгартай баннаа хүссэнээрээ будаж болно. Өрөөнийхөө хэв загвар, плитаныхаа өнгө, шалны өнгө зэрэгтэйгээ хослуулчихвал угаалгын өрөө чинь шал өөрөөр харагдаж эхлэнэ. Будахаас гадна шигтгээ нааж, зориулалтын жижиг плитан чимэглэлээр бүрж ч болно.

-Банны тавиур-Усанд орохдоо дарс шимээд, дуртай номоо тайван гэгч нь уншиж, лааны бүдэг гэрлээр өөрийгөө эрхлүүлж болно гээд боддоо! Өөртэйгөө хийх романтик болзоо л гэсэн үг. Ингэхийн тулд чамд ямар ч хамаагүй дан тавиур л байхад болно. Эсвэл түүнийг орлуулах хавтгай модон эсвэл пластик, баннандаа түшээд тавьж болохуйц юу ч байж болно шүү дээ.

-Гоёмсог шалавч-Чулуугаар, хулсаар, модоор, шилтэй ундааны бөглөөгөөр хийсэн шалавч угаагын өрөөг чинь чимэхээс гадна уснаас гарж ирсний дараа нойтон биеэрээ зогсоход яг тохиромжтой. Чулуун шалавч хийхэд хамгийн амар. Голын эргээс ижилхэн хэмжээтэй, мөлгөр чулуунуудыг түүж аван цуглуулаад шалавчин дээрээ наагаад л болоо. Хялбар байгаа биз?

-Дүрдэг хандлагч-Нунтаг сарнай, цэцгийн ханд, арьсыг тайвшруулагч гээд олон төрлийн хандыг марланд ороож, утсаар оёж тогтоогоод л болоо. Заавал усандаа хийх шаардлагагүйгээр, дүрдэг цай шиг аргаар хандтай усанд орж болно. Их өвөрмөц өнгө төрхийг угаалгын өрөөнд чинь оруулна.



24tsag.mn