Өнөөдөр УДБЭТ-ын хамт олон Оросын хөгжмийн зохиолч П.И.Чайковскийн алдарт “Хунт нуур” балетыг тоглох гэж байна.  

Гурван бүлэг, дөрвөн үзэгдэлт уг балет анх 1877  оны гуравдугаар   сарын 4-нд Москвагийн Их театрт тавигдаж байжээ. Харин Монголын тайзнаа анх 1975 оны зургадугаар сарын 28-нд тоглосон аж.

Энэ удаа тус бүжгэн жүжгийн удирдаачаар УГЗ Н.Туулайхүү, ерөнхий зураачаар АЖ Б.Төмөрхуяг, Хореографи-балетмейстерээр АЖ Б.Жамьяндагва, туслах найруулагчаар МУГЖ Х.Гэрэлчимэг нар ажиллажээ.

Харин гол дүрүүдэд, цагаан хун Одетта болон Ротбартын охин хар хунгийн Одиллияд СТА Б.Саруул, хан хүү Зигфридэд А.Билгүдэ, Хорон санаат шидэт хар шувуу Ротбартад Х.Мөнгөнхөлөг СТА, эзэн авхайд СТА, Алиа салбадайд А.Эрдэнэболд,  Ордны хүмүүжүүлэгч Вольфгангийн дүрд АЖ О.Ганбаатар нар тус тус тоглоно.