Энэ сарын 19-ны 08.20 цагт МИАТ-ийн “Бойнг-767” онгоц Улаанбаатар-Сөүлийн чиглэлд нислэг хийхээр агаарт хөөрөөд удалгүй эргэж буусан байна. Учир нь онгоцны баруун хөдөлгүүрийн тосны даралт унасан гэнэ. Ингээд учрыг лавлахад тус компанийн инженер техникийн ажилчид тосны банкны тагийг нь таглахаа мартчихсан байсан гэж тухайн үед ярилцаад өнгөрчээ. Хэрвээ энэ байдлаар онгоц агаарт жаахан удсан бол тос, масло нь тасалдаж, онгоцны мотор цохиж, агаарт унтрах аюултай байдаг байна. Тус нислэг ОМ-301 аялалын дугаартай байсныг эх сурвалж хэлж байна.  Гэтэл онгоцны техникийн бүрэн бүтэн байдалд хяналт, шалгалт дутуу хийсэн уг хэргийг ИНЕГ-ын цөөн хэдэн хүний хүрээнд нуун дарагдуулсан гэх мэдээлэл дуулдаж байна.