Ирэх баасан, бямба гаригт Хурд хамтлагийнхан урлагт 20 жил зүтгэснийхээ баярын тоглолтыг хийх гэж байна. Энэ удаагийн тоглолтод Хурд хамтлагийнхан өмнөх тоглолтуудаас илүү ач холбогдол өгч байгаа аж. Учир нь Хурдынхан урлагийн тайзнаа 20 жил дуулсан баяраа энэ өдөр фэнүүдтэйгээ тэмдэглэх юм. Тиймээс уг баярыг утга учиртай, дурсах зүйлтэй тэмдэглэхээр шийдсэн гэдгээ тус хамтлагийнхан хэлж байна. Тиймээс 20 жилийн хугацаанд дуулсан дуу бүхнийг нь сонсдог байсан үнэнч фэнүүдээ тоглолтондоо урилаа.
Тэд ойн баярын тоглолтынхоо хүрээнд хамтлагийнхаа алтан пянзийг Холливүүдэд хэвлүүлсэн байна. Дэлхийн нэр хүнд бүхий студид хэвлүүлсэн тус пянзийг тэд 20 жилийнхээ ойн баярт л зориулж гаргажээ. Алтан пянзийг тэр бүр хамтлаг, дуучид хэвлүүлээд байдаггүй бөгөөд тодорхой шалгуурт тэнцсэн хамтлаг, дуучид л хэвлүүлэх эрхтэй болдог байна. Алтан пянзад Хурд хамтлагийн 20 жилийн уран бүтээл багтсан байна. Мөн хамтлагийн ахлагч Ганбаярын гарын үсэгтэй бөмбөрийн цохиур, “Хурд” нэрийн гитар, хүзүүний зүүлт, бугуйвч, хуанли, шинэ CD зэргийг худалдаанд гаргасан байна. Тус бүтээлүүд нь цөөхөн хувь хэвлэгдсэн гэнэ.
Монголын хөгжим, сонирхогч, дурлагчид өмнө нь гадаадын хамтлаг дуучдын
“Алтан пянз”, сувинерыг шүтэн дурсгал болгон хадгалж, хэрэглэдэг байсан
бол өнөөдрөөс эхлэн “Хурд”-ын 20 жилийн ойдоо зориулан урлуулсан эдгээр
зүйлсээр цуглуулгаа баяжуулах боломжтой болж байна. Үнийн хувьд футволка
25 мянган төгрөг, 12 цомог бүхий "Black box" багц 120 мянган төгрөг,
хүзүүний гинж 14.999, гарын зүүлт 14.999, банзан гитар том хар нь 599
мянган төгрөг, “Хурд” тэмдэг 1999, бөмбөрийн цохиур 4999, гитарын цохиур
2999, хуанли 5999, ном 49.999, сэтгүүл 9999 төгрөг,“Алтан пянз” 99.999
төгрөг бөгөөд эдгээр нь 12 сарын дундуур худалдаанд гарах аж.
“Хурд” хамтлагийн 20 жилийн ойдоо зориулан гаргасан “Алтан пянз”,
"Black box" цуглуулга, бэлэг, дусгалын зүйлс, банзан гитарыг сонирхон
захиалахыг хүссэн хэн бүхэн 1199 руу захиалан гэртээ хүргүүлж болох
бөгөөд мөн тоглолтын тасалбарыг борлуулж байгаа www.easyticket.mnцахим хуудсаар захиалан авч болох юм байна шүү.
Тэд өнөөдөр тоглолтынхоо талаар хэвлэлийн хурлыг хийх үеэрээ сэтгүүлчдэд зориулж 20 минутын тоглолт тоглосон юм. Энэ үеэр тус хамтлагийнхан 20 жилийн турш хамт байсан фэнүүддээ зориулж маш их баярлалаа гэдгээ биднээр дамжууллаа. Мөн удахгүй болох тоглолтоо өвөрмөц хэв маягтайгаар зохион байгуулж сайхан уран бүтээлүүдээр бэлэг барина гэдгээ ч хэлж байна.
Сэтгэгдэл (2)