Ерөнхийлөгчийн санаачилгаар саяхан зохион байгуулсан “Том төрөөс ухаалаг төр лүү” гэсэн үндэсний чуулганы үеэр Засгийн газрын 300 ажилтантай нэг агентлагийн 150 нь ах дүү, амраг садан, нэг аймаг, сумынхан байна гэсэн шүүмжлэл гарсан. Тухайлбал,  Улсын прокурорын ерөнхий газар, аймаг, нийслэл, дүүргийн прокурорын газрууд Увс, Ховдынхноор дүүрсэн гэдгийг хэлж байна. Тэр дундаа Улсын ерөнхий прокурор Д.Дорлигжав төрийн албыг төрлийн болон найз нөхдийн алба болгосныг зарим хүмүүс хэлдэг. Тэгвэл эл байдлыг олон нийт баримттайгаар цохон дурджээ. Улсын Ерөнхий прокурорт Увс, Ерөнхий прокурор Д.Дорлигжавын хэчнээн хамсаатан байна вэ гэдгийг олон нийтийн гаргасан доорх жагсаалтаас харна уу.

Энэ бол зөвхөн УЕПГ-т ажилладаг Увсынхны жагсаалтыг гаргасан байгаа юм.  Харин аймаг, сумдад ажилладаг Увсын прокуроруудыг жагсаавал чамгүй олон тоо гарах биз ээ.

1. Ц.Бямбацогт. Улсын Ерөнхий прокурорын орлогч, Увс аймгийн харьяат.

2.Б.Үнэнбат. УПЕГ-ын Тамгын хэлтсийн дарга. Д.Дорлигжавын гарын хүмүүсийн нэг гэгддэг. Түүнийг хаа томилогдсон газар нь хамт явдаг.

3.Ө.Алтантуяа. УПЕГ-ын хяналтын прокурор, Увс аймгийн харьяат.

4. Д.Мөнгөнцэцэг. УЕПГ-ын хяналтын прокурор, Д.Дорлигжавын ангийн анд.

5. Ё.Гэпилмаа. УЕПГ-ын хяналтын прокурор, Д.Дорлигжавын ангийн анд.

6. Д.Бөхчулуун. УЕПГ-ын хяналтын прокурор, Увс аймгийн харьяат.

7. С.Алимаа. УЕПГ-ын хяналтын прокурор, Увс аймгийн харьяат.

8. Б.Бат-Орших. Нийслэлийн прокурор Увс аймгийн Зүүнговь сумын харьяат. Улсын ерөнхий прокурор Д.Дорлигжавын хамаатан гэж зарим хүн ярьж байсан. Оюутан байхдаа тэднийд нэг хэсэг амьдарч байсан гэдэг. Энэ өндөр албан тушаалд хүрэхэд нутгийн ах Д.Дорлигжавын дэмжлэг их байсан гэдгийг мэргэжил нэгтнүүд нь барим тавим ярьдаг юм билээ.

9. Б.Эрхэмбаяр. Нийслэлийн прокурорын газрын хяналтын прокурор. Д.Дорлигжавын туслах байгаад дэвшсэн. Ерөнхий прокурор хийгээд Нийслэлийн прокурорын итгэлт хүн гэгддэг. Тиймээс чухал хэргүүдэд хяналт тавьдаг гэнэ.

10. С.Цэрэнсамбуу. Баянзүрх дүүргийн прокурор, Увс аймгийн харьяат. Д.Дорлигжав Ерөнхий прокурор болсныхоо дараа тус дүүргийн Прокурорын газрын бүх ажилтныг халахад ганцаараа үлдэж, дэвшсэн.

11.  Т.Баярсайхан. Сонгинохайрхан дүүргийн прокурор, Ерөнхий прокурор Д.Дорлигжавын ангийн анд

12. Н.Энхтуяа. Баянгол дүүргийн прокурор, Ерөнхий прокурорын найз.

13. Ш.Алтанцэцэг. Улсын ерөнхий прокурор М.Алтанхуягийн үед Баянгол дүүргийн прокурорт хяналтын прокурор байсан. Энд ажиллаж байхдаа ёс зүйн алдаа гаргаж, ноцтой гэмт хэрэгтнүүдийн хэргийг хэрэгсэхгүй болгосон учир ажлаасаа халагдсан.  Харин Д.Дорлигжавыг Ерөнхий прокурор болсны дараа прокурорын байгууллагад эргэн оржээ. Увс аймгийн прокурорын газарт хяналтын прокуророор ажиллаж байгаад Дорноговь аймгийн прокуророор дэвшсэн байна.

Улсын ерөнхий прокурорын газрын ажилтнуудын захаас нь нэрлэхэд л Д.Дорлигжав прокурортой нутаг ус нэгтэй, оюутан цагийн анд, найз нөхдийнх нь хүрээлэл цөөнгүй гэдгийг олон нийт баталж байна.