ШӨХТГ-т барилгуудын метр квадратын асуудлаар олон иргэн гомдол мэдүүлээд байгаа тухай бид мэдээлж байсан. Улмаар шалгалт хийхэд  бараг 20 метр квадратын зөрүү ч гарч байсан талаар О.Магнай дарга онцолж байсан юм. Тэгвэл шалгалаар илэрсэн зөрчлүүдийг арилгах албан бичгийг тухайн компаниудад хүргээд байгаа аж. Улмаар тус компаниудаас зөрчлөө хүлээн зөвшөөрч, арилгах боломжтой  зөрчөө арилгана хэмээн ШӨХТГ-т хариу мэдэгдээд байгаа аж. Одоогоор 50 гаруй иргэнээс гомдол мэдээлэл ирсэн ба 13 барилгын компани зөрчилтэй болох нь тогтоогдоод байгаа аж. Эдгээр 13 компанид “Гангар” инвест, “Ти Ди Си” зэрэг олон компани багтсан байна.

   Үүнтэй холбоотойгоор Барилга, хот байгуулалтын яам, Стандартчилал хэмжилзүйн газар болон бусад холбогдох байгууллагууд хамтран орон сууцны метр квадратын хэмжилтэд өчигдрөөс шалгалт оруулжээ. Тэд ажлаа 00 хувийн Хятадын хөрөнгө оруулалттай “Ти Ди Си” компанийн захиалгаар барьсан 16 давхар орон сууцны барилгаас эхэлсэн байна. Учир нь тус байрны оршин суугчдаас гурван удаа ШӨХТГ-т гомдол ирсэн байна. Улмаар иргэд анх авсан буюу гэрчилгээн дээр бичигдсэн метр квадратаасаа 2-20 метр квадрат хүртэл дутуу орон сууцанд байгаа аж.