Олон улсын дээд боловсролын судалгааны байгууллага нь магадлан итгэмжлэгдсэн их дээд сургууль, коллежиудын чанарт үнэлгээ хийж, рейтингийн жагсаалт гаргажээ. Нийт 200 гаруй орны 11,160 их дээд сургууль, коллежийг хамруулан судалгаа хийсэн байна. Энэхүү чанарын үнэлгээг ямар нэгэн үнэ төлбөр төлөлгүй, бүртгэлгүйгээр харах боломжтой. Дээрх судалгааг гаргахдаа, ил тод байдал, дотоод ур чадвар, үр дүн зэрэг дээд боловсролыг үнэлгээжүүлэх боловсролын байгууллагын зарчимд үндэслэн боловсруулсан байна. Энэхүү судалгааны зорилго нь гадаад улсад суралцах сонирхолтой залууст боловсролын чиг баримжаа олгох юм. Гэхдээ сургуулиудын дотоод хөтөлбөр, зохион байгуулалт бус боловсролын чанар, үйлчилгээг хэрхэн хангаж байгаа талаар судалгаа явуулсан байна. Үнэлгээгээр манай боловсролын байгууллагууд дараах байр эзэлжээ.

1.    Монгол Улсын их сургууль 1375
2.    Шинжлэх ухаан технологийн их сургууль 5208
3.    Хүмүүнлэгийн ухааны их сургууль 7593
4.    Санхүү эдийн засгийн дээд сургууль 8322
5.    Хөдөөж аж ахуйн их сургууль 8602
6.    Боловсролын их сургууль 8873
7.    Ховд их сургууль 8964
8.    Улаанбаатар дээд сургууль 9021
9.    Орхон их сургууль 9078
10.    Эрүүл мэндийн шинжлэх ухааны их сургууль 9083
11.    Монгол олон улсын дээд сургууль 9470
12.    Отгонтэнгэр их сургууль 9554
13.    Улаанбаатарын их сургууль 9684
14.    Удирдлагын академи 9734
15.    Их засаг их сургууль 9817

    Дээрх судалгаагаар Харвард, Стэнфорд зэрэг шилдэг их дээд сургуулиараа АНУ тэргүүлсэн байна. Гэхдээ улс орон тус бүрээр нь үнэлгээжүүлэхээс илүүтэй боловсролын байгууллагуудын чанарын үзүүлэлтийг гаргаж, суралцагсдад туслахыг зорилгоо болгожээ. Боловсролын салбар, тэр дундаа их дээд сургуулийн шинэчлэлийн асуудал яригдаж байгаа өнөө үед гадаадын шинжээчид манай сургалтад ийм үнэлгээ өгсөн байна. Дотоодын шилдэг их дээд сургуулиуд дундаж түвшинд байна гэсэн дүн тавьжээ.