“Архины хор хөнөөлийг бууруулахад бүх нийтийн оролцоо” үндэсний чуулган маргааш Төрийн ордонд болох гэж байна. Уг чуулганыг Монгол Улсын Ерөнхийлөгчийн Тамгын газар, Эрүүл мэндийн яам, “Архигүй монгол” сүлжээний төрийн бус байгууллагууд хамтран зохион байгуулах юм. Энд архинаас гарсан 100 хүн оролцож, туршлагаасаа бусдад хуваалцах аж.

 "Архины хор хөнөөлийг бууруулахад бүх нийтийн оролцоо” чуулган нь архины хор хөнөөлийг бууруулах үйл ажиллагаанд олон нийтийн анхаарлыг хандуулах, төрийн өндөр  албан тушаалтнуудын архины асуудалд хандах хандлага, оролцоо, бодлогыг бүх нийтэд ил болгох зорилготойгоор зохион байгуулагдаж  байгаа гэдгээрээ онцлог юм байна.