Өчигдөр буюу энэ сарын 4-ний байдлаар иргэд, аж ахуйн нэгж байгууллагаас нийт 9382 мэдээлэл ирж бүртгэгдсэн байна.  

Үүнд 101,105 дугаар-801, 102 дугаарт-4690, 103 дугаарт-3610  хандалт ирсэн байна. Үүнээс зам тээврийн 313, түргэн тусламжийн 704, гал түймэр, гамшгаас хамгаалахын 13 дуудлага иржээ.  

Түүнчлэн  гэмт хэргийн шинжтэй зөрчлийн 1640 дуудлага ирснээс гэмт хэргийн шинжтэй 51 үйлдлийг бүртгэн холбогдох нэгжүүд шалгаж, 39 хэргийн эзэн холбогдогчийг илрүүлжээ.

Нийслэлд  хулгайлах 11, дээрэмдэх нэг, булаах хоёр, хүчин хоёр, бусдын эд хөрөнгийг санаатайгаар устгах, гэмтээх хоёр, танхайрах найм, зам тээврийн хэрэг 11, осол 10 гарч 15 хүн гэмтсэн байна.