"Урган наран" хорооллын урд замд зам тээврийн ноцтой осол гарч олон хүн хохирсон талаарх мэдээллийг бид хүргэж байсан.  Тодруулбал, УНЧ 2423 улсын дугаартай "Соната V" маркийн автомашин Улаанбаатараас Налайхын чиглэлд явж байгаад өөдөөс ирж явсан НАА 4263 улсын дугаартай "Тоёота Чезер" маркийн автомашинтай мөргөлдсөн байна. Ослын улмаас "Чезер" маркийн автомашин жалга руу унаж,  шатжээ. Ослын улмаас  хэчнээн хүн гэмтсэн талаар ЦЕГ-ийн хэвлэл мэдээллийн ажилтан, цагдаагийн ахмад Ё.Лхагвасүрэнгээс тодруулахад “Хан-Уул дүүргийн 11-р хороо Налайхын урд замд “Хюнда Соната” маркийн автомашины жолооч  Б гэгч нь амины “Тоёото чезер” машинтай мөргөлдсөн. Ослын улмаас Налайх дүүргийн хоёрдугаар хороонд оршин суух 48 настай эмэгтэй Б нарын гурван хүн гэмтсэн. Улмаар ослын шалтгааныг тодруулахад осол гаргасан жолооч согтуугаар автомашин жолоодож явсан байгаа юм” гэв.