БНСУ-ын Чежү аралд болж буй жүдо бөхийн “Гран при” тэмцээний -100 кг-ийн жинд Монгол Улсын гавьяат тамирчин, Хөдөлмөрийн баатар Найдангийн Түвшинбаяр алтан медаль хүртлээ.

Түүний хувьд эхний тойрогтоо хийлж, дараагийн барилдаанд БНСУ-ын Ким Жинунийг цэвэр ялсан. Улмаар медалийн төлөөх барилдаанд Канадын Кайл Райсийг мөн цэвэр ялснаар алтан медалийн төлөө Украйны тамирчин  Артём Блошенкотой барилдахаар тунаж үлдээд байсан юм. 

Манай улс “Гран при” тэмцээнд манай улс 19 тамирчин илгээсэн бөгөөд тэмцээний эхний өдөр буюу өчигдөр /XII.5/ эмэгтэйчүүдийн 52 кг-ийн өрсөлдсөн Гавьяат тамирчин Мөнхбаатарын Бундмаа алтан медаль хүртсэн билээ.