Хан-Уул дүүргийн цагдаагийн хэлтсийнхэн "Хадгаламж" банкны 14 тэрбум төгрөгөөр мөрийтэй тоглож, арван жил чанга дэглэмтэй хорих ангид ялаар шийтгүүлж байсан Ц.Чимэдцэрэн нарын хүмүүсийг мөрийтэй тоглож байхад нь баривчилжээ.

Ц.Чимэрцэрэнгийн хувьд “Хадгаламж" банкны Ерөнхий нягтлан бодогчоор ажиллаж байхдаа одоогийн “Төрийн банк” буюу тухайн үеийн “Хадгаламж” банкны 14 тэрбум төгрөгөөр казино тоглож 10 жилийн хорих ялаар шийтгүүлж байсан юм. Тэрбээр өнгөрсөн хавар шоронгоос суллагдсан юм.  Түүний улсад учруулсан хохирол одоо ч бүрэн барагдаагүй байгаа. Хорих ангид номын санчаар нэлээд олон жил ажилласан тэрбээр одоо эхнэр хоёр хүүхдийнхээ хамтаар Сонгинохайрхан дүүрэгт амьдарч байгаа билээ.