Төв шуудан компани 970 дахь маркаа худалдаанд гаргаж байгаагаа марк сонирхогчид болон Битлз хамтлагийн үнэнч шүтэн бишрэгчдэд танилцуулав.

Английн Ливерпүүл хотын алдарт хамтлаг анх удаа Төв шуудангийн марканд мөнхрөн гарч байгаагаараа онцлогтой юм. Уг хэлхээ маркан дээр Битлз хамтлагийн Жон Ленон, Пол Макартни, Жорж Харрисон, Ринго Стар нарыг тоглолт хийж буйгаар дүрсэлжээ. Энэхүү маркийг Орхон аймгийн ерөнхий зураач Д.Батбилэг тосон будгийн аргаар зурсан байна.