Ерөнхий сайд Н.Алтанхуяг сүүлийн үед хэцүүхэн асуултнаас тун догь бултдаг болжээ. Тухайлбал өнгөрсөн баасан гарагт болсон УИХ-ын чуулганы хуралдаанаар түүний мэдээллийг гишүүд сонссон юм.

Энэ үеэр Ж.Энхбаяр гишүүн түүнээс "Ерөнхий сайд та хэдий болтол амьдрал сайхан болж байна гэх юм. Байнга л сайн сайхныг яриад байх юм. Гэтэл цаана чинь бодит үнэн ямар байгаа вэ? Та хэдийг хүртэл ингэж ярих юм" хэмээн асуусан юм. Үүний хариуд гомдож тунирхсан Ерөнхий сайд Н.Алтанхуяг "Та хүнээс асуулт асуучихаад сонин уншаад байдаг нь ямар учиртай юм. Наад сонингоо унш" гэж хэлээд хүссэн хариунаас нь бултаж орхив.