Улсын Дээд шүүхийн Иргэний хэргийн танхимаас “Хялбаршуулсан журмаар хянан шийдвэрлэсэн хэрэгт хийсэн судалгаа, анхаарах зарим  асуудал”-ын талаар  тойм гаргалаа.

Монгол Улсын шүүхүүд 2010 онд 35787 иргэний хэрэг  хянан шийдвэрлэснээс  13991 хэргийг, 2011 онд 30368 иргэний хэргээс 10922,   2012 онд    27792  хэргээс  10856 хэргийг хялбаршуулсан журмаар хянан шийдвэрлэсэн байна. Үүнээс үзэхэд шүүх нийт  иргэний хэргийн  35-39 хувийг хялбаршуулсан журмаар хянан шийдвэрлэжээ.

Иргэний хэрэг шүүхэд хянан шийдвэрлэх тухай хуулийн 74,75,106 дугаар зүйлд заасан журмын дагуу хэргийг  хянан шийдвэрлэх ажиллагаа цаашид өсөх хандлагатай  байгаа тул  хэргийг хялбаршуулсан журмаар шийдвэрлэхэд анхаарах зарим асуудлыг Иргэний хэргийн танхим ийнхүү тоймлон гаргасан аж.