2013 онд хэвлэл, мэдээллийн салбарт хамгийн их шуугиан тарьж салсан алдартай хосуудыг нэрлэж байна.
Оросын
ерөнхийлөгч Владимер Путин эхнэр Людмилатайгаа хамт 2008 оны
гуравдугаар сард Москва хотноо авахуулсан зураг. Путин эхнэрээсээ салсан
тухайгаа энэ онд албан ёсоор мэдэгдсэн билээ. Тэрээр 30 жил ханилсан
эхнэртэйгээ зэрэгцэн зогсож байгаад салалтынхаа тухай мэдээллийг
тайвнаар мэдээлсэн нь олон нийтийн анхаарлыг ихэд татаж байв. Путиныг
уран гимнастикч, Төрийн думын гишүүн Алина Кабаеватай гэрлэх гэж байгаа
талаар хэвлэлүүд мэдээлдэг ч өөрөө үгүйсгэсээр ирсэн юм.
Холливудын
жүжигчин Орланда Блүм, Виктория Секретийн сахиусан тэнгэрүүдийн нэг
болох Миранда Кер нар 2013 оны хоёрдугаар сард энэ зургийг авахуулжээ.
Британийн жүжигчин, Австралийн загвар өмсөгч нар 6 жил хамтдаа амьдарч
хөөрхөн хүүтэй болсон ч өнгөрсөн аравдугаар сард салсан тухайгаа
зарласан байна. Хосууд салсан ч гэсэн сайхан харилцаатай байж, амжилтаа ахиулна гэж мэдэгдсэн ч хэвлэлүүд янз бүрээр тайлбарлан бичиж байв.
"News Corporation"
компанийн захирал Руперт Мурдок эхнэр Венди Денээс салсан тухай
хэвлэлүүд шуугьж байлаа. Нас зөрүүтэй хосууд 1999 онд Нью-Йоркт хувийн
хөлөг онгоцон дээр хуримаа хийж байсан бөгөөд хоёр охинтой юм. 2011 онд
Мурдок болон түүний мэдэлд ажилладаг хэвлэл мэдээллийн
хэрэгслүүд утасны яриа чагнан, хууль зөрчсөн хэрэг олон нийтэд ил тод
болсноор түүн рүү бялуу шидсэн нэгэн эсэргүүцэгчийг хатагтай Денг
алгадаж, нөхрөө өмөөрч байсан удаатай.
Жүжигчин
Жан Дюжардин эхнэр Александра Лэмитэй хамт 2012 оны тавдугаарын 27-нд
65 дахь удаагийн Каннын кино наадамд хүрэлцэн иржээ. Францын жүжигчин
Жаэ Дюжардин "The Artist" киноны
дүрээрээ оскарын шагналын эзэн болж байсан юм. Тэрээр хэдэн сарын турш
хэвлэлүүдэд цуурхал тарсаны дараагаар өнгөрсөн 11-р сард эхнэрээсээ
салсан тухайгаа мэдэгдсэн юм. Тэд Францын алдартай хосуудын нэг байв.
Энэ
зургийг 2008 оны 10-р сарын 23-нд Ромын олон улсын кино наадмын үеэр
авчээ. Италийн жүжигчин Монника Беллюси экс нөхөр Францын жүжигчин
Винсент Касселтай хамт 14 жил амьдарсаны эцэст өнгөрсөн наймдугаар сард
салсан тухайгаа зарласан юм. Тэд кино урлагийн салбарын сайхан хосуудын
нэгд тооцогдож байв.
Жүжигчин
Дэми Мур, Эштон Катчер нар 2010 онд Нью-Йорк хотын шүүхэд салах
өргөдлөө өгч байжээ. Эштон Катчер эхнэрээ хуурсан нь батлагдсан бөгөөд
тэд 2011 оны 11-р сард зургаан жилийн дараа гэрлэлтээ цуцлуулсан болохоо
зарлажээ. Тэдний салалт, эд хөрөнгөтэй холбоотой маргаан энэ оны 5-12
сард хэвлэл, мэдээллийн анхаарлын төвд байв.
Клинт
болон хатагтай Дина Иствүд нар 2008 онд Францад болсон 61 дахь удаагийн
Каннын кино наадамд хамтдаа зургаа авахуулжээ. Клинт Иствүдийн эхнэр 17
жил хамтдаа амьдарсаны дараагаар салах өргөдлөө өгч, охинтойгоо хамт
амьдрах болжээ.
Холливудын бат бөх гэр бүлүүдийн тоонд багтдаг байсан жүжигчин Жош
Бролин, Дайан Лейн нар гэрлэлтээ албан ёсоор цуцлуулж, найман жилийн
хамтын амьдралаа төгсгөл болгожээ. Хосууд хамтдаа амьдрах хугацаанд хүүхэд болоогүй байна.
Өдгөө
55 настай алдарт дуучин Мадонна 25 настай бүжигчин найз залуу Брахим
Зайбатаас салсан тухай дуучны төлөөлөгч мэдэгдсэн юм. Тэд 2010 оноос
болзож эхэлсэн бөгөөд гэнэтхэн салах болсон нь олон нийтийн анхааралд
байлаа.
